الكارسيت .. كرسي السيارة

السلام عليكم .. 

سالتوني كثير عن كارسيت هتوني .. 

هذا بوست ع السريع مامداني اصورو بس بصورو لكم فيديو ان شاءالله .. 😍👌🏻

راح اقولكم مميزاتو واهم حاجه كانت بالنسبه ليا :

تتغير الوضعيات من جلوس الى منتصف الى منسدح 

لمن ينام زي الصوره 😍❤️

اخذتو من سنتر بوينت ماركة جونيورز بـ سعر ٢٨٩ 

وماحبيت اخذ الوان فاقعه ازرق احمر واخضر ماحب

يعجبني المحايد ، اخذت رمادي كان ودي ب اسود 

وكان اخر واحد الحمدلله 😅💔 وقلي من عمر ٩ شهور الين ٣ او ٤ سنين مني فاكره بالزبط 😅🙈

 وطبعا. ينفك ويتغسل ،

ويتوسع الحزام بس ضروري خلوه يشرح لكم كيف التركيب وكل شي 

وماكان عليه خصم لاني اخذتو وقتها بالتخفيضات 

وسالتوني يشوف من القزاز ايوا يلحق الحمدلله يشوف 

امم بالنسبه انو كثير من الاطفال يبكو مايبغوه 

ترا شي طبيعي مايبغو الشي اللي يقيدهم

هتوني ماتعود عليه الا قريب السنه ، 

بس طريقتي كيف اذا خرجنا اخذ سناك ياكلو وهوا بالكارسيت يسكت عني وينشغل فيه مثلا موزه ،،

 عصير طازج مسويتو بالبيت ، بسكوت ، 

امم يعني اي فاكه بس لبسيه قبه عشان مايوسخ نفسو او لعبه مو متعود عليها وبس تقريباً 🙈💙

مستلزمات لطيفه لـ طفلك ،

  

الكرسي 

من الاشياء اللي حبيتها ممكن تفيد طفلك وتستفيدي منو ان شاءالله كثير منها يتعلم ع الجلوس ومنها تاكليه عليه

حتى لبعد عمر السنه .. بعد كذا تشيليه للبيبي الجاي ان شاءالله .. 

..

فرشة العاب

هذي الاشكال مرره جميله من اول شهرين الين ٧ شهور وومكن اكثر تجذب الطفل 

 فيه اشكال ،ووانوااع .. حقت هتوني فر شه وفيها اعمده والعاب بعدها فكيت الاعمده وخليت الفرشه كبيره

ويلعب عليها مريحه وفيه رسومات جميله ..

وكلها من سنتر بوينت ..

  كثير مامات يعانو من ترويش الطفل كيف تمسكو هذا الشي مره بطل ف مذر كير وبالتخفيضات سعره حلو 

جل لـ بعد التطعيمه ..

يسعد صابحكم | مسائكم بكل خير 

هذا الجل { Reparil-Gel}

 من اجمل الاشياء. اللي جربتها لبعد التطعيمه بلا كمادات بلا هم ..

وانتبهو لاتحطو فكس ع التطعيمه ..

طبعا اول مارجع البيت بعد التطعيمه احط لو ع مكانها والحمدلله يارب مره كويسس

واكتشفت له فايده ثانيه .. بعد الطيحات  والكدمات الصعروره هههههه حطو مكانها عشان ماتنتفخ ويخفف 

الالم .. الله يحفظ ذريتنا وذريتكم يارب ..

حل مشكلة .. الغازات .. والفتاق ..

السلام عليكم

بتكلم اليوم عن 

موضوع الغازات .. والفتاق ..

١} الغازات 

الغازات ماراح اتطرق له كثير لان طفل عن طفل يفرق 

بس هتوني كان مره مره يبكي من بطنو لدرجة جاه فتاق 

اسوء ايام مرت علي بس الحمدلله ..

طبعاً انا جبت لو شاهي الاطفال وينسون ماكان يتقبلو يشرب شويا ويتركو مع انو كان يخف شوي لمن يشرب تركتو

وجبت هذي القطرات من الصيدليه صح فيه اكثر من خيار بالصيدليه مفعولها ماكان ١٠٠٪ لكن ممكن شوياا

وكنت اسويلو مساج بالزيت وتدليك بطنو كانت تخفف  ..

وبعدها رحت لـ امراه طب شعبي عندنا بالمدينة ام حسن  فايزه .. بعد ماهتوني كمل ٣ شوي وشوي 

قلت لها بس يبكي طبعاً انا خوفوني شوفيه وديه يمكن فيه شي تعرفو يعني المجتمع بس استغفرالله ههههههه

المهم ووديتو ومسكتو مع بطتو قالت والله يابنتي مايبكي الا مغص مافيه شي الحمدلله 

واعطتني اعشاب مطحونه للغازات للمغص الله يسعدها مره الحمدلله هدت ع ولدي وكانت كويسه 

تخليه ينام كويس الحمدلله 

.. 

-

٢} الفتاق ..

طبعاً سّرة هتوني انتفخ وكنت قلق وانفجعت مرره خفت عليه قالت لي ماما ياحبيبتي عادي 

بس جيبي نص ريال او قرش حطيه ولفي عليه زممان كانو يسوها 

سوتها لي ماما واختي الكبيره اول يوم خليتو يوم كامل مع اني كنت خايفه وقلق بعدها فكيتو حسيتو رجع شوي 

حتى افتكر لمن رحت للتطعيمه قالت الدكتوره لو مارجع سره بعد السنه .. نسوي له عمليه ! انفجعتت 

بعدها صحباتي الله يسعدهم قالو ميمي فيه حزام موجود بالصيدليه ورحت من صيدليه لصيدليه ادوره واخيراً لقيتو

الحمدلله مره بطل فيه من النص مكان السره زي القرش دايره تنحط وتلفي الحزام ع المقاس اللي يريح الطفل

حطيتو فتره مافتكر كم يوم والله بس حبيتوو والحمدلله رجع سره …

وبس ..

ان شاءالله فادكم الموضوع ،اذا تعرفو ووحده تعاني نفس المشكله لاتنسو تقولو لها وتكسبو اجر 

*تجارب ام هتان

شنطة مايورال .. والعربية

السلام عليكم ..

بقولكم عن شنطة هتوني .. اول شي انا شوفتها بموقع شيلدرن صالون عجبتني مره بس للاسف ماكان متوفر بالموقع الا الاسود والذهبي ولقيت الازرق والذهبي بمحلهم ( مايورال ) انبسطت مره صح ممكن يكون فرق شويا بالسعر .. بالموقع سعرها ع مافتكر ٣٨٠ تقريبا بس لحالها 

اشتريتها من المحل مع مفرش تغير الدايبرز الله يكرمكم 

بـ 495 .. بالموقع حاطين الشنطه سعرها لحال والمفرش لحال يعني بالمحل جامعينها وحاطين السعر 

مميزاتها : 

اولا بصراحه اخذتها عشان شكلها كنت ابغى شنطه كشخه

لاني اخذت شنطه عاديه من سنتر .. وترا اجمل مو الصور ماشاءالله ..

 2/ تشيييل حجمها مناسب تماماً اشيل فيها ٣ لبسات ومهاد وزمزمية المويا

وعلبة الحليب واخر شي بطانيتو الكبيره بس كل شي اطبقو عشان تكفي .. 

حتى كنت مشتريه مقسمات مع الشنطه استغنيت عنها ، 

3/ فيها شنطة صغيره للهايه صرت احيان احطها فيها عشان ماتضيع 

4 / فيها جيوب ع جنب ووبالخلف ، مفرش تغير الدايبرز جميل وشايفين كيف يتطبق يصير زي الشنطه الصغيره 💙✨

5/ فيها حبلين طويل وقصير هالشي ممتاز 

عيوبها : ماشوف فيها عيوب الحمدلله 

مرتاحه عليها 

وهذا موقع شلندرن الجمميل 

https://www.childrensalon.com/?___store=ar

• حبايبي .. ❤️❤️
  سالتوني عن عربية هتوني ف قلت اكتب عنها 
  افضل مميزاتها وعيوبها اولاً انا كنت ناويه ع عربية من ماماز وباباز بس لانو مو موجود عندنا المحل في المدينة
   وقدر الله ماقدرت اروح جده : رحت سنتر بوينت وشوفت 
  واختي اخدت منو عربيه مره حلوه نظامها زي حقت هتوني 
  وارخص كمان .. 
  وكان راسي جامد عندي امل اروح جده بس اضطريت اخذ من سنتر وانا ماخذتها الا عندي نقطتين مهمه 
  تجي من قدام ومن ورا المقعد حقها تتغير وضعيتو 
  ف اللي صار مميزاتها : 
  ١/ تتغير الوضعيه المكبس حقها من قدام ومن ورا اللي اقصدو 
  تقدري تشوفي طفلك من قدام واذا كبر من ورا ويتفرج ع الدنيا والناس 😂💔👏🏻
   من غير ماتفكي الكرسي وكذا
  ٢/ المقعد حقها يتغير لوضعية ينسدح بالكامل يعني مناسبه من اول شهر
  الى وضعية الجلوس او مرتفعه شويا تنفع بعمر ٤ شهور يعني كأن الطفل ع جلاسه مره حلو 😍👏🏻
   ٣/ اشوف سعرها مناسب ٦٤٩ وكان فيه لونين هذا والكوحلي ماحبيت اخذ كوحلي دا عجبني اكثر 
  ٤/ حجمها مناسب مو مره ثقيله الحمدلله
  و ماركتها جونيورز
  عيوبها :
  ١/ مافي مكان للرضعه او للمويا 
  بس تقدري تشتريه بشكل مننفصل وموجد بسنتر ب ٥٠ ريال 
  الطفل يتزحلق اذا مالبستيه الحزام حقها ههههه 
  وبس 
  انصح فيها ايوا انصح فيها جيدده ماشاءالله ❤️❤️
  وطلبت من موقع علي اكسبريس هذي الاضافه للعربيه  مره فادتني كثير للرضاعه للعبتو الحمدلله 
  وهذا الرابط .. 
  https://www.aliexpress.com/item/baby-strollers-Accessories-Baby-Carriage-Pram-Cart-Bottle-Applique-Polyester-Stroller-Accessories-Carriage-Bottle-Diaper-Bag/32695821372.html?spm=a2g0s.9042311.0.0.sfgMSN
  
  
  
  
  
  
  
  
  
  
  
  
  
  
  
  
  

وترا دايم يجيب انواع زي كذا اشكال انتو اهم شي ركزو انو الطفل يقدر ينام .. 

لاني قبل فترة رحت سالتهم كثير سالتوني مالقيتو زيها

مو مشكله بس خوذو نفس الفكره ؛^

هذي حقت بنت اختي لقيت صورتها 

شفتو المكبس حقها يجي من قدام وورا وتتغير وضعيتها يجلس وينام الطفل ..

استقبال .. البطانيه .. تعليقة اللهاية ..

يسعد ايامكم يارب ..

بعص صوو من استقبال هتوني .. 

 حبيت اوزع حُصن المسلم وخاتم التسبيح .. 

-

نجي للبطانية هتوني .. ع كثر مانسالت عنها وجاوبت كثيرر هههههه

بطانية هتان من موقع بوكو بيبي موقع امريكي يسوي بطانيات نفس كذا او لبس كامل او لفات وقبعات

بالاسم  : انا اخذت مقاس كبير ابغاها تمشي مع هتوني ل ٤ او ٥ سنين ان شاءالله

والمقاس اللي اخذتو Size //  35" x 52" (89cm x 132cm):  

هذا الموقع

https://boco-baby.com

عيبب الموقع شحنو مكلف للسعوديه كثيير ..

-

اما تعليقة اللهايه ف طلبتها من متجر بالنستقرام 

هذا @baby_treat

وبس .. 

شرح موقع نكست ..

   

السلام عليكم هذا رابط موقع نكست ..

وهذا الشرح .. سهل ومن احب المواقع لـ قلبي 

http://www.nextdirect.com/sa/ar

طيب عن المقاسات 

هنا 

🍃

كثير انسألت عن مقاسات نكست 

بقولكم تجربتي معاه .. اولا لازم تحطي ببالك وتعرفي طفلك وحجمو 

نكست مقاساته تجي كبيره شوي تنفع لاطفال نفس مقاسهم 

صح واطفال لا كيف ..؟!

 يعني انا هتوني جسمو صغير الين ذحين يلبس ٦-٩ مع انو قريب يخلص سنه بسم الله عليه 

وبت اختي اصغر منو با اسبوعين تلبس من ٩-١٢ واكبر طويله وبٌنيتها اكبر ماشاءالله 

انا طلبت هالمره من ٩-١٢ مع انو المفروض اطلب من ١٢- وفوق بس اعرف ملابس نكست تجي اكبر شوي وابغاها تلبسو دحين 

البجايم جات تتماماً عليه مره حبيتهااا الحمدلله

الافروالات طقم مره كبير طلع والثاني تمام بس شوي اكبر 

مي مشكله شهر او شهرين وتجي عليه مزبوط ان شاءالله 

يعني خلاصة الموضوع اذا طفلك صغير وعمره ٩ شهور 

اطلبي له من ٦ الى ٩ وبتجي عليه تممام 

الله يسر لكم ويوفقكم يارب .. صح ملاحظه هما يكتبو ترا 

القياسات بموقعهم بالسانتي تلاقي يعني مثلا 80c

وزي كذا زي زارا واتش ام يكتبو المقاسات كذا 

اسهل عليك تعرفي مقاس طفلك 👌🏻❤️

وهذي صورة المقاسات اللي طلبوها مني والصوره المستعجله🙈❤️

#اطفال #تجارب_ام_هتان

"

الطهارة .. او ختان الولد

السلام عليكم ، ياحلوين ❤️

بتكلم عن موضوع الطهارة ( ختان الولد) اليوم ان شاءالله ينفع للمامات

اللي اول مولود لهم ولد 💙✨

طبعاً من تجربتي وحكايتي ف لمن طهرت هتوني 

انا بما اني خاله وعمه كانت عندي شوية فكره شوفت قبل عيال خواتي بس سبحان الله لمن تكوني انتي أم

 الشعور مختلف تماماً مسؤوليه وكنت مره خايفه عليه ، وشايله هم وقلق بشكل فظيع انا كان ودي اطهرو

باول اسبوع او ب ٧ بس قدر الله صارت ظروف وتاخرت وكنت مابغى اطهرو الا تكون ماما موجودا

بس بحكم تعب اختي كانت معاها بالمستشفى واضطريت اطهرو قبل يسافر زوجي ، المهم طهرتو بالمستشفى الوطني

 المطبقاني سمعت عليها مدح توكلنا ع الله ورحنا قالو اول شي يشوفو الدكتور حتى قبل نفتح لو ملف قلنا طيب

 وشافو الدكتور وقال تمام روحي سوي لو تحاليل مايعاني من شي قلنا لا قال مو مشكله هذا الشي عجبنا انهم

 سوو تحاليل قبل واخدت نص ساعه وطلعت وبعد انتظار طويل طلعنا قالو قسم العمليات انا ها 😶!

وارجع اقول بنفسي ماعليه ياميمي انتي مستودعته ربي ومافي ارحم من ربي عليه الحمدلله طلعنا واخدو مني

 ودخلوه جوا قالو ممنوع تدخلو ! قلنا طيب انا الف السيبب شويا وارجع اجلس قلق بنفس الوقت

 اقول احسن عشان ماشوفو ويوجعني قلبي الا اسمع صوت هتوني واقوم اروح عند الباب جابو الممرض بس

ماكان يبكي مره وقال الله يحفظو لكم ❤️ اطل هتوني ملبس حفاظه وعادي الوضع يعني 

مادري توقعت بشوف

 شكل غير كذا بس ارتحت وخرجنا البيت طبعا اول شي اعطونا

 ورقه تعليمات كيف اسوي بعد الطهاره ، 

كتبو له مرهم احطو عليه ، ومكتوب ف ورقة التعليمات ممنوع وضع اي زيت بعضهم يحطو زيت حتى ماما

 قالت لي بس لمن شفت ممنوع ماحطيت لو اكتفيت بالمرهم بس نقطه مهمه * استغربت كثير مايعرفها

 القطنه كيف تنفك من البكرا بعد الطهاره يعني تحطي مويا دافيه بطشت وتخليه عليها دقيقتين

 او اكثر الين تطيح القطنه عاد الحمدلله وقتها اختي الكبيره ام العيال خبره كانت موجودا وساعدتني 😅👏🏻

ف المويا الدافيه اصلا تريحهم ، خلاصة الموضوع 

اي أم لاتشيلي هم ترا الموضوع بسيط وكلها كم يوم والحمدلله

 صح اول مايتبول ربي يكرمكم يتألم بعدها

حيبككي ويتنكد بس يرتاح شي طبيعي لانو مجروح شوي 🙈💔 

وسبحان الله معلومه انو البول نفسو علاج لهالمنطقه 

وواختارو دكتور كويس واستودعي ولدك الله ونصيحه لاتدخلي معاه افضل 😅، 

وان شاءالله استفدتو حاولت اختصر واي سؤال انا حاضره ❤️✨

الولادة ..

السلام  عليكم ،دوحمة الله وبركاته، 🙊❤️

ع طلبكم حتكلم عن الحمل والاربعين وتجربتي البسيطه

اللي عشتها واكتسبتها من خواتي قبلي بما اني خاله وعمه 😅❤️

اني وي بتكلم عن مرحلة الحمل اول شي

بما اني نيو ماما 🙈💙

وشي جديد عليه زي اي بنت وصارت ام

اولاً نحمد ربي كثير انو رزقنا هذي النعمه الله يحفظ ذريتنا ويرزقنا برهم ويزرق كل مين يتمنى يارب ❤️❤️

ثاني شي الحمل صح تعب وله مراحل الاول والثاني والثالث

كل مرحله لها شوية تعب بس يهون دا كلو وإحنا ننتظر

البيبي بشغف بحب ونفكر بس متى احضنو ❤️❤️

مشاعر الامومه لاتوصف بس راح تحسي فيها جداً عميقه

من اول ماتولديه لاتخلي احد يحبطك

او يخوفك اووهه الولاده صعبه

اووه موووت < لو كذا ماشوفتي الحريم خلفو 😂💔🏃🏻

هوا صح الم مانضحك ع بعض 😿💔

بس لاتخلي هالشي يخوفك من تجربتي

قريت كثير كثير عن الولاده اضفت دكتوره كانت وقتها تشرح كل شي عن شق العجان وو .. الخ 🙈

ومن الكتب اللي اشتريتها استفدت برضو

انا من النوع اللي ماحب انصدم بالشي واخاف مره من المستشفيات .. بس احب اعرف عن الشي وكل تفاصيله واتقبله من قلب وعقل عشان ماتجيني فجعه 😂😶💔

وقالو لي الخوف يقفل الرحم المهم

اتوكلي ع الله وعيشي لحظات الحمل بكل حب

حتى لو مرت علينا ظروف تعدي وكل شي يعدي وتفرج ان شاءالله

كل يوم صبح ومساء استودعي نفسك وجنينك الله

وكرري بصلواتك ( اللهم سهلي علي حمله ومخرجه ) ( اللهم تولني وجنيني فيمن توليت )

حتى وقت الولاده كررييها بيقين 👌🏻❤️❤️❤️

وتذكري ان ربي ان شاءالله مايحملنا فوق طاقتنا

وان كل هالالم والتعب مؤقت وفترة وتعدي

وبيجي البيبي وبيكبر وهوا بحضنك ان شاءالله وانتي طيبه وهوا طيب ، بس اهم شي برضو الوحده ماتنسى تهتم بنفسها مو بس عشانها عشان البيبي 👌🏻❤️

ووهذي طريقة ونصيحه لكل وحده حامل

اذا حسيتي جاك طلق لو قبلها باسبوع خفيف

تروشي بمويا دااافيه وخلي المويا تصب ع ظهرك 👌🏻

نقعي رجولك كل يوم بمويا دافيه راح ترتاحي😩❤️

واذا اشتد الطلق مره حمي زيت زيتون مع حبة بركه ادهنيها ببطنك وظهرك وانطلقي للمستشفى ،

بس حاولي ماتروحي المستشفى بدري اذا طلق خفيف عشان مايخلوك ويلعبو فيك الا بحالة نزلت المويا ❤️🙈

• 🙈💔 الولاده نصيب وتساهيل من الله وحاولي بوقتها تدعي لنفسك ووالديك لان ان شاءالله الدعاء وقتها مستجاب
  ولاتنسوني بعد من دعواتكم 🙈❤️ وصدقيني بس تشوفي طفلك راح تنسي كل التعب يارب ينعم عليكم وتعيشو لحظاتها بيسر وع خير 😭❤️
  المهم انا انصح وبقوه الرضاعه الطبيعيه
  خاصتا بعد الولاده وطفلك يرضع اللبأ مره مهم
  يابنات عارفه بتقولو استحي وكذا انا عشت هالاحساس كلو
  وماكنت مستوعبا وانو لااء كيف برضع مستحيه
  بس عشان طفلي يهون ويستاهل حبيبي وترا بس البدايه صعبه وتستحي بعدين خلاص
  وهنا مربط الفرس اللي تبغى تنحف ترضع 👌🏻❤️
  الرضاعه الطبيعيه فوائدها كثيره لـ الام يرجع الرحم مكانو خلال ال٦ شهور تنحفي اسرع وفائدته لطفلك بشكل كبير
  يكتسب مناعه واشياء كثيره اقرو ف قوقل ( فوائد الرضاعه الطبيعيه ) يكفي اصلا تحسي بمشاعر ماتنوصف
  وانتي ترضعي طفلك وتحضنيه ❤️❤️❤️ اذا بتدخلي صناعي وقت الضروره هذا اللي انصح فيه
  وفترة النفاس حتمر عليك ايام 😿💔 بس خليك قويه
  وقولي الحمدلله انا طيبه وطفلي بخير وقت ويعدي هذا كلو
  مريت بمرحله ماتمنى ترجع ٣ شهور وشويا وهتوني بس يبكي اخر شي وديتو حرمه مداويه فايزه علام قالت والله يابنتي مايبكي الا من مغص واعطتني اعشاب وعاد خوفوني لايكون فيه كذا وكذا 😪💔 .. بس سبحان الله الاخطاء وكل هذا الامور تعلمك وتخليك انسانه اقوى 👌🏻❤️ الحمدلله .. ف الافضل تحلي مشكلة المغغص من بدري ياالماما الجديده ولا محاتنامي ولا راح ترتاحي😭💔
  * اكلي ف النفاس ماكانت اكل كثير بصراحه بس ماينفع توجعي برضو وبس كنت مستمره ع حوايج النفاس طلبتها ليا اختي من وحده ف الرياض اسمها ام نايف وربي تجنن والكل لاحظ ماشاءالله 👌🏻❤️ اللي تبغى رقمها تبشر ❤️ كنت اكل فواكه والتمر حق النفاس ، وفطور بيض وفطير وحليب مع ملعقه من الحوايج الفطير مع عسل وسمن وملعقه من حوايج الفطير ، وعصيده ومرقة لحم واحيان احط مع المرق خلطة الفلفل الاسود بفنجال واشربو عشان طعمو 😂💔 امم ايش كمان ايوا مع الحوايج فيه للبطن خلطه مع قشر القهوه لكن كنت اعاني من التهاب البول الله يكرمكم شربتو مره وثار عليه الالم وتركتو بس الوحده تحاول ماتكثر شوكلا وقتها وتاكل اكل صحي وترضع طبيعي وحتنحفي بإذن الله 👌🏻 والله شفت الفرق بعيني اللي ترضع واللي ماترضع كيف تنتفخ وحده مخلفه ٢ كانت نحيفه ماشاءالله وحملت وجابت ال٣ ومارضعتها طبيعي تخنت تقولي والله ندمانه ذحين احاول انحف توبه 💔
  * ( وشي مهم كمان لاتنسي تشتري غطاء الرضاعه
  ويكون ف شنطة البيبي لمن تخرجي اخدتو من سنتر بوينت 👌🏻❤️😍
• وترا ع فكرة الاجسام يختلفو فيه بعض حريم ينحفو بسرعا

• فيه بعضهم تطول الى ٦ شهور وممكن اكثر
  واكثر شي لاتفكري بالنحف لان هالشي حيتعبك نفسياً
  واذا تعبتي نفسياً ماراح تنحفي لان حمل ٩ شهور مستحيل تنحفي بيوم وليله سوي رياضه امشي اقلها بقدر استطاعتك 🏃🏻👏🏻 وادعي ربي
  يارب انحف ع خير من غير حول مني ولا قوة
  لاتستهينو بالدعاء يابنات حتى لو تشوفي الشي تافه
  مو انتي تبغي ادعي ❤️🙏🏻 وربي يسر لكم ياماماا ياجميلات ويقدركم ع التربيه الحسنه
  ويكتب اجر الامهات دنيا واخره يارب ❤️❤️🍃
  واذا افتكرت شي قلتو ان شاءالله مابخل عليكم بشي والله زي ماحب لنفسي احب لغيري والله يقدرنا لفعل الخير مهما كان ❤️❤️❤️#تجارب_ام_هتان #baby_mimi_hattan #احبكم🍃
  
  
  
  
  
  
  
  
  "